Lideri çeçen, Ramzan Kadyrov, është kapur në rrenë teksa ka thënë se ka shkuar në Mariupol të Ukrainës për t’i takuar forcat çeçene atje.
Kadyrov ka postuar një fotografi duke u lutur kinse në qytetin ukrainas, por e njëjta del të jetë gënjeshtër e tij.
Në Twitter është komentuar fotografia e Kadyrovit, ku thuhet se në ambientin që ai është duke u lutur tregon se ai nuk ndodhet në Ukrainë pasi në prapavijë shihet një kompani e benzinës e cila s’ekziston fare në Ukrainë por në Rusi.
“Kreu i republikës çeçene, Kadyrov, dëshpërimisht po dëshiron që njerëzit të mendojnë se ai është duke luftuar në Ukrainë. Fillimisht ai ka gënjyer se është afër Kievit kur ai u pa në Çeçeni.
Tani thotë se është në Mariupol dhe poston fotografi por që nuk është i vetdijshëm se s’ka stacione Rosneft në Ukrainë”, thuhet në mbishkrimin e fotografisë.