Ilir Ferati do të jetë kandidat i Lidhjes Demokratike të Kosovës për kryetar të Istogut.
Lajmin e bëri të ditur vet partia e Feratit, përmes një shkrimi në Facebook ku tha se në mbledhjen e mbajtur sot, Kryesia e LDK-së ka vendosur që Ilir Ferati të jetë kandidat për të parin e Istogut, transmeton Klankosova.tv.
Ndryshe, Ferati ishte edhe deputet në legjislaturën e kaluar nga radhët e Lidhjes Demokratike të Kosovës
Gjatë kësaj mbledhje, LDK-ja prezantoi edhe disa emra të tjerë për kandidatë për komuna.
“Në mbledhjen e mbajtur sot, Kryesia e LDK-së vendosi që:
– Lutfi Haziri të jetë kandidat për kryetar të Komunës së Gjilanit;
– Anton Quni – kandidat për kryetar të Komunës së Prizrenit;
– Ilir Ferati – kandidat për kryetar të Komunës së Istogut;
– Hyrie Dobrunaj – kandidate për kryetare të Komunës së Deçanit;
– Burim Krasniqi – kandidat për kryetar të Komunës së Rahovecit;
– Besim Hoti – kandidat për kryetar të Komunës së Klinës;
– Bajrush Hoti – kandidat për kryetar të Komunës së Malishevës;
– Bexhet Xheladini – kandidat për kryetar të Komunës së Dragashit;
– Jeton Biqkaj – kandidat për kryetar të Komunës së Kamenicës;
– Ruzhdi Shehu – kandidat për kryetar të Komunës së Junikut.
Përveç zyrtarizimit të kandidaturave, Kryesia e LDK-së ka marrë vendim për formimin e të gjitha shtabeve zgjedhore të Degëve dhe të Nëndegëve me qëllim të organizimit sa më të mirë të këtij procesi”.