Kryetari në detyrë i PDK-së, Enver Hoxhaj, i ka vendosur kushte Albin Kurtit dhe Vjosa Osmanit, në takimin me dyer të mbyllura që kishte sot me ta.
Hoxhaj në këtë takim mësohet se ka qenë konstruktiv, por edhe parimor, duke u thënë atyre se Kosova si asnjëherë më parë ka nevojë për stabilitet politik, i cili që nga viti 2014 ishte shkatërruar në baza ditore nga vetë Kurti dhe partitë tjera.
Nga burime të afërta me Hoxhajn mësohet se ai ka shkuar me kërkesa të qarta për Kurtin dhe Osmanin, për kriteret që duhet të përmbushë një president.