Lidhja Demokratike e Kosovës ka bërë të ditur se do të ketë bashkëbisedime me qytetarët, njëjtë siç kohët e fundit ka vepruar partia tjetër opozitare AAK-ja.
Këtë e ka bërë të ditur ish-kryeministri Avdullah Hoti, përmes një postimi në rrjetin social Facebook, ku sipas tij, me qytetarët do të bisedojnë në lidhje me sfidat në të cilat po kalojnë, raporton Zeri.info.
“Në javët në vijim, Lidhja Demokratike e Kosovës do të jetë në qytete e fshatra për të biseduar me qytetarë dhe me biznese. Do të dëgjojmë secilin. Do të bisedojmë për sfidat nëpër të cilat po kalojmë në vitin e dytë të qeverisjes së majtë dhe për qasjen tonë në adresimin e këtyre sfidave”, ka shkruar Hoti.