Lajmin për Klankosova.tv e ka konfirmuar zëdhënësi i policisë për rajonin e Gjakovës, Nysret Gjurkaj.
Siç thotë Gjurkaj, i dyshuari iu kishte hedhur me gjunjë në trup dhe duke e shtrënguar për fyti ia kishte kërkuar të hollat dhe më pas kishte arritur t’i marrë nga portofoli shumën prej 4 euro, si dhe një telefon të markës Samsung në vlerë prej 50 euro.
Më pas i dyshuari është larguar në drejtim te panjohur. I dyshuari e kishte fytyrën të mbuluar me një kapelë në formë maske ku nuk i vërehej fytyra fare.
Por, policia pas një pune hetimore ka arritur që ta arrestojë të dyshuarin.
“SH. Z., i lindur në vitin 2001 i përkatësisë ashkalinje, i cili ne prezencën e avokatit ka pranuar ne tërësi veprën me të cilën akuzohej. Gjërat e grabitura si dhe kapela me te cilën dyshohet se është kryer vepra janë konfiskuar nga ana e policisë. Lidhur me rastin është njoftuar prokurori kujdestar, departamenti i krimeve te renda, dhe me urdhër, i dyshuari ndalohet në qendrën e ndalimit.
Rasti nën hetime. Rasti si i tillë është cilësuar si grabitje”, ka thënë Gjurkaj.