Kryeministri polak Mateusz Morawiecki deklaroi gjatë një konference për shtyp se Gjermania është pengesa kryesore ndaj sanksioneve më të ashpra kundër Federatës Ruse.
Lajmi u bë i ditur nga agjencia “Reuters”.
Kreu i qeverisë polake shtoi gjithashtu se në fakt Hungaria është në favor të sanksioneve.
“Ne duhet të kuptojmë se, pavarësisht se si ndihemi për Hungarinë, kjo është fitorja e katërt (e kryeministrit hungarez Viktor Orban), dhe ne duhet të respektojmë zgjedhjet demokratike… Gjermania është bllokuesi kryesor i sanksioneve. Hungaria është pro sanksioneve”, theksoi kryeministri polak.
Më herët, u raportua se për shkak të masakrës së Bucha-s, Perëndim do të shtrëngojnë sanksionet kundër Rusisë.
Në veçanti, presidenti francez Emmanuel Macron tha se sanksionet duhet të zbatohen edhe për gazin dhe naftën.