Kriza ekonomike ka prekur edhe Gjermanine, sikur shumicën e shteteve të botës për shkak të pandemisë. Megjithatë, populli gjerman po arrinë që të kursejë më shumë para në bankë muajve të fundit.
Sipas të dhënave të “Bundesbankës”, nga janari 2020 deri në janar 2021, depozitat e familjeve private në banka u rritën me 182 miliardë dhe tani arrijnë në 1.73 trilionë euro, shkruan Indeksonline.
Bazuar në statistika, gjatë pandemisë gjermanët kanë tërhequr më pak para nga bankomatët dhe bankat në përgjithësi, ngase nuk po kanë ku t’i shpenzojnë. Bankat gjithashtu kanë regjistruar rënie të ndjeshme të kërkeses për para, shkruan Indeksonline.
“Gjatë dymbëdhjetë muajve të fundit, ne kemi një rënie mesatare të kërkesës për para prej 10 deri në 15 për qind”, thuhet në njoftimin e “Komercbankës”.
Çdo i treti qytetar që jeton në Gjermani ka aktualisht më shumë para në bankë sesa që kishte para një viti, thuhet në një raport të “Tageschow”-it.
Kursimet për gjermanët pritet të rriten ende, ngase ekspertët nuk parashohin rritje të ndjeshme të konsumit./