Edhe deputeti nga radhët e ‘Listës Guxo’, Haxhi Avdyli ka reaguar pas sharjes në Kuvend nga ana e deputetit të PDK-së, Abelard Tahiri.
Ai kërkoi që të sanksionohet gjuha e rrugaqëve nga Kuvendi, derisa kërko që fjalimeve të Abelardit t’iu vendoset shurdhuese.
“Tash e tutje, siç i ka bërë armët me shurdhues, edhe fjalimeve të Abelardit duhet vendosur shurdhuesit që të mos ndotë edhe më shumë ambientin politik”, shkroi Avdyli në Facebook, përcjell “Bota sot”.
Postimi i plotë
Gjuha e rrugaqëve duhet të sanksionohet në tempullin e demokracisë. Kjo gjuhë fyese e kriminale e përdorur nga kryetari i grupit parlamentar të PDK-së nuk flet veq për nervozën dhe hallin e madhë që kanë këta që qytetari i dërgoi në harresë historike, por flet për mendësinë, edukatën dhe mënyrën e tyre të jetesës e veprimtarisë së tyre të përditshme.
Tash e tutje, siç i ka bërë armët me shurdhues, edhe fjalimeve të Abelardit duhet vendosur shurdhuesit që të mos ndotë edhe më shumë ambientin politik.