Komentatori ikonik i sportit, Andin Lokaj konfirmoi se ka ndarë rrugët me Televizionin Publik të Kosovës, të shtunën mbrëma.
Me anë të një statusi në Facebook, ai potencoi se ndeshja Marok-Portugali ishte e fundit e tij në RTK.
“Të nderuar dhe të rrespektuar, këto ishin emocionet e mia të fundit pas 5 vjetësh në RTK.
Më nuk do të jem pjesë e televizionit publik.
Ju dua dhe rrespekte”, ka shkruar ai në statusin pa ndërhyrje.
Nacionale ka kontaktuar me Drejtorin e Përgjithshëm të RTK-së, Shkumbin Ahmetxhekaj, i cili ka thënë se “vendimi është personal” dhe se “nuk kam pranuar kërkesë zyrtare nga ana e tij” për largim.
“Andin Lokaj nuk është larguar nga puna.Jam njoftuar se vendimi është personal por ende nuk kam pranuar kërkesën zyrtare nga ana e tij për përfundimin e kontratës”, ka thënë ai në një bisedë telefonike.