Ish-komandantit të Serbisë, Ratko Mladiq, i është konfirmuar dënimi me burgim të përjetshëm për krimet e kryera në vitet e ’90-a në Bosnje e Hercegovinë.
Ai ka humbur apelin. Është dënuar për gjenocid, persekutim, shfarosje, vrasje – krim ndaj njerëzimit, vrasje – krime të luftës, deportim, dëbime, terrorizim të qytetarëve të Sarajevës, sulme mbi civilët.
Ratko Mladiq qau gjatë vendimit final ku u shpall fajtor për kryerjen e gjenocidit në Srebrenicë në vitin 1995.
Mladiq, para katër vjetësh, qe dënuar me burgim të përjetshëm, pasi u shpall fajtor për 10 nga 11 pikat e aktakuzës. Por, si mbrojtja ashtu edhe prokuroria u ankuan, duke çuar lëndën në shkallën e dytë.
Ratko Mladiq u arrestua më 26 maj 2011 në Serbi, pas 16 vjetësh duke i ikur drejtësisë.
[the_ad id='11273']