Dje kryeministri i Kosovës, Albin Kurti, në një konferencë për media, deklaroi se sistemi arsimor kosovar prodhon analfabetë funksionalë të cilët pastaj ose bëhen për asistencë sociale ose ikin në Gjermani si punëtor krahu.
Ndaj këtyre deklaratave, ka reaguar Korab Blakaj, biznesmen kosovar nga diaspora, i cili e ka mbështetur Kurtin në zgjedhjet e 14 shkurtit të vitit 2021.
Në një përgjigje për gazetën Nacionale, Blakaj ka theksuar se nuk e ndan të njëjtin mendim me kryeministrin e Kosovës.
Ai ka thënë se rinia kosovare është e aftë për çfarëdo projekti.
Tutje, ai e ka quajtur “asgjëbërës” Kurtin.
“Jo nuk mendoj (që janë analfabetë funksionalë v.j.). Rinia jonë është e aftë për çdo projekt. Me dy fjalë: inteligjenca është në biznis- pollavraxhinjtë asgjëbërës në poste shtetërore!”, tha ai.
Në profilin e tij në Facebook, Blakaj ka treguar disa nga projektet në të cilat ka marrë pjesë kompania që ai e udhëheq.
