Një zyrtar policor është kërcënuar dje në rrugën nacionale “Rrustem Hyseni-Historiani” në Vushtrri nga një 41-vjeçar. Gjithçka dyshohet se ndodhi për një motoçikletë. Sinjali ka mësuar se si u kanos Policia dhe ju sjellë më poshtë detajet.
Burimet e Sinjalit brenda Prokurorisë kanë njoftuar se fillimisht, Njësia e Trafikut rajonal ka vërejtur një fëmijë duke drejtuar një motoçikletë në këtë rrugë nacionale dhe ka intervenuar për ta larguar, që t’i shmanget rrezikut që mos të pasonte, si dhe kanë ftuar babain e fëmijës.
Pasi ky i fundit ka dalë në vendin e ngjarjes, patrulla policore i ka kërkuar që të ketë kujdes për fëmijët, ndërsa e kanë njoftuar se meqë mungon dokumentacioni për automjetin me të cilin lëvizte fëmija, atëherë duhet ta konfiskojnë.
Në atë moment ka eskaluar situata. Burimet e Sinjalit njoftojnë se Policia është ballafaquar me babain e fëmijët, pasi ky i fundit iu ka drejtuar më fjalë kërcënuese.
Sinjali mëson se i dyshuari u kishte thënë policëve: “As Albin Kurti e as ju nuk mundeni me ma marre motorin, e ti polic në kofsh p*** nane deshe uniformën e hajde të kallxoj kush jam”.
Pas këtyre fjalëve, zyrtarët policorë ia kanë vënë prangat të dyshuarit dhe të njëjtin e kanë dërguar në stacion policor për të vazhduar me procedura të tjera.
Ndaj tij, me urdhër të prokurorit është iniciuar rasti ‘kanosje”.