Të gjeturat e raportit tregojnë se qytetarët e Kosovës kanë shfaqur një interesim tepër të madh për viza pune. Mes viteve 2016-2020 më shumë se 90 mijë aplikacione për punë ishin dorëzuar në Ambasadën Gjermane në Kosovë. Mesatarisht, rreth 17,000 aplikacione në vit janë aprovuar nga Agjencia Federale e Punësimit në Gjermani për qytetarët nga Kosova. Sidoqoftë, me kufizimet e reja pritet që numri i aplikacioneve të aprovuara për Kosovën të bie në rreth 7,500 në vit nga viti 2021.

Pjesëmarrës në këtë panel ishin z. Jörn Rohde, Ambasador i Gjermanisë në Kosovë, znj. Regina Hufnagel, Agjencia Federale e Punësimit në Gjermani, Ilir Kapiti, zv. Ministër i Ministrisë së Financave, Punës dhe Transfereve dhe znj. Nora Hasani, Drejtoreshë menaxhuese në Odën Ekonomike Gjermano-Kosovare.

Për më shumë në linqet më poshtë e gjeni raportin e plotë: në gjuhën shqipe https://bit.ly/3nqyVGC; në gjuhën angleze https://bit.ly/3eDaJwu