Aksioni kundër kontrabandës, ndalohet një kamion që hyri nga Maqedonia e Veriut

Sipas Policisë së Kosovës është ndaluar një kamion me mallra të ndryshme të kontrbanduara, ku dyshohet se ka hyrë nga Maqedonia e Veriut.

Sipas Policisë, gjatë kontrollit në automjet është gjetur sasi e konsiderueshme e mallrave të ndryshme komerciale si pjesë makinash, gjera ushqimore dhe barna stimuluese “kamagra”.

“Si rezultat i kësaj, sot me datë 08.04.2022, rreth orës 11:30, bazuar edhe në analizën e riskut dhe informacioneve inteligjente të bëra nga ana e njësive të policisë kufitare, është arritur të identifikohen një kamion ngjyrë e kaltër, me targa vendore drejtuar nga i dyshuari me iniciale M.M. shtetas Kosovar”.