Gjatë takimit u diskutua për situatën e përgjithshme politike në vend, ndërsa temë e veçantë e diskutimit ishte procesi i dialogut ndërmjet Kosovës dhe Serbisë.
Abdixhiku ia rikonfirmoi Lajçakut qëndrimin e LDK-së, ku theksoi se procesi i dialogut duhet të përfundojë me njohje reciproke, normalizim të plotë të marrëdhënieve ndërmjet dy vendeve, si dhe duke respektuar integritetin territorial, sovranitetin e rendin kushtetues të Kosovës.
Ai tha po ashtu se LDK-ja mbetet partnere kredibile e miqve ndërkombëtarë në të gjitha proceset e rëndësishme dhe integruese të vendit.
Në fund të takimit, kryetari i LDK-së specifikisht kërkoi përshpejtimin e procesit të liberalizimit të vizave e cila u adresua edhe në Rezolutën e EPP-së, që u votua në fillim të muajit në Rotterdam.
Po ashtu, kërkoi përkushtimin e plotë të BE-së në proceset integruese të rajonit.
Emisari i BE-së për dialogun, Miroslav Lajçak, paraprakisht ka takuar edhe dy liderët e tjerë opozitarë – Memli Krasniqin e PDK-së dhe Ramush Haradinajn e AAK-së./ Klankosova.tv
