Kryetari i Lidhjes Demokratike të Kosovës, Lumir Abdixhiku, është shprehur i kënaqur me rritjen elektorale që po shënon partia e tij.
Abdixhiku ka deklaruar se dje është hapur aplikimi online për regjistrimin e anëtarësisë dhe sipas tij deri më tani ka pasur mbi 10 mijë aplikime.
“Dje e kemi hapur aplikimin online për regjistrimin e anëtarësisë dhe deri në këto çaste, pra për një ditë, kemi pasur mbi 10 mijë aplikime. Ky është një tregues i rritjes së madhe të LDK-së”, tha ai në T7.
Kujtojmë se Abdixhiku kur mori në duar udhëheqjen e partisë, LDK ishte radhitur si partia e tretë duke pësuar humbje të thellë në zgjedhjet parlamentare të mbajtura më 14 shkurt 2021.
LDK kishte marrë vetëm 103 mijë e 507 vota apo 13,08%.
[the_ad id='11273']