Fillimisht, Dukagjin Lipa vendosi që për shkak se Komuna dhe ministria e Pushtetit Lokal, u vonuan me procedurat për t’ia ndarë tokën në Bërnicë, e për t’ia dhënë në pronësi festivalit për 99 vjet, ta anulojë mbajtjen e Sunny Hill në Prishtinë.
Por, a lëshoi pe Dukagjin Lipa për atë tokë?
Komuna e Prishtinës përmes një deklarate të përbashkët me festivalin Sunny Hill dhe Ministrinë e Kulturës, kanë thënë se festivali do të mbahet në shtëpinë e vet, në Prishtinë, më 4, 5, 6 dhe 7 gusht 2022.
Por në çfarë lokacioni?
Sipas këtij njoftimi, festivali do të mbahet në një lokacion të përshtatësh, duke mos u bërë i ditur ende, veçse duke që edhe për një kohë, Lipa nuk do ta marr tokën e premtuar për 99 vite.
“Të gjithë shprehin gatishmërinë që çështja e shfrytëzimit afatgjatë të tokës të diskutohet edhe pak kohë deri në gjetjen e një zgjidhjeje të qëndrueshme. Synimi i përbashkët është që nga viti i ardhshëm, festivali Sunny Hill të organizohet në lokacionin e vet afatgjatë”, thuhet në njoftimin e Komunës.
Në frymën e bashkëpunimit të shkëlqyeshëm kulturor mes Kosovës dhe Shqipërisë, një edicion i veçantë me një line-up tjetër do të mbahet në fund të muajit gusht në Tiranë më 26, 27 dhe 28 gusht.
