WASHINGTON, DC – MAY 12: U.S. President Joe Biden delivers remarks on the COVID-19 response and the ongoing vaccination program at the Eisenhower Executive Office Building on May 12, 2021 in Washington, DC. Biden spoke on the approval of the Pfizer vaccine for children 12 and over and the country wide efforts to increase vaccination rates. (Photo by Drew Angerer/Getty Images)
Presidenti amerikan, Joe Biden, ka nominuar Jeffrey M. Hovenier, për ambasador në Republikën e Kosovës, si pasues të Philip Kosnettit.
Në një njoftim të Shtëpisë së Bardhë të premten, është bërë e ditur se Hovenier, që aktualisht është zëvendësshef i Misionit të SHBA-së në Turqi, do të pasojë Kosnettin i cili qe nominuar nga ish-presidenti Donald Trump në korrik të vitit 2018 për të qenë ambasador në Kosovë. Sikur Hovenieri, edhe Kosnetti kishte ushtruar rolin e zëvendësambasadorit në Turqi para ardhjes në Kosovë.
Siç bëhet e ditur në njoftimin e Shtëpisë së Bardhë, Hovenier ka qenë ushtrues detyre i zëvendësambasadorit edhe në Berlin të Gjermanisë.
Ka shërbyer edhe në misionet e SHBA-së në Kroaci, Greqi, Panama, Paraguai dhe Peru.
Dikur kishte qenë edhe pjesë e stafit të të Dërguarit Special të Kombeve të Bashkuara për statusin e Kosovës.
Flet gjuhën gjermane, greke, kroate dhe spanjolle.
Kosnetti ka shfrytëzuar Twitterin për ta uruar Hovenierin për nominimin që të jetë ambasador i ardhshëm i SHBA-së në Kosovë.
Në shumicën e rasteve, zyrtarët e shërbimit të jashtëm amerikan ushtrojnë funksionin e ambasadorit në vende të caktuara në periudhë për tri vjet.