New York Times ka pasur akses në detajet e kontratës së Messit si promotor për Arabinë Saudite.
Nga kjo kontratë, gazeta amerikane ka mësuar se ylli argjentinas mund të marrë deri në 22.5 milionë euro gjatë tre viteve për disa paraqitje komerciale.
Madje për këtë shumë, Messi do të publikoj vetëm disa postime në rrjetet sociale dhe do të ketë disa pushime të paguara me të gjitha shpenzimet në mbretëri me familjen dhe fëmijët e tij.
Kontrata përmbanë edhe një kusht me anë të së cilit Messi nuk mund të thotë asgjë që mund të “njollosë” Arabinë Saudite.
Kontrata mes Messit dhe Arabisë Saudite është nënshkruar me 1 janar 2021 nga futbollisti argjentinas dhe vëllau i tij./Indeksonline/