Me lopatë dhe beton, aktori dhe ish-guvernatori i Kalifornisë Arnold Schwarzenegger ka mbushur një gropë në një rrugë në lagjen e tij, në zonën e Brentwood. Pamjet i ka bërë nxjerrë vetë Schwarzenegger teksa ka publikuar video në Twitter gjatë riparimit të rrugës.
“Sot, pasi e gjithë lagjja është mërzitur për këtë gropë gjigante që po shkatërron makinat dhe biçikletat për javë të tëra, unë dola me ekipin tim dhe e rregullova atë. Unë gjithmonë them, të mos ankohemi, të bëjmë diçka për këtë. Ja ku shkoni”, shkruan ai në rrjetin social.
Fqinjët dhe kalimtarë falenderuan Schwarzenegger për përpjekjet e tij.
Daniel Ketchell, një zëdhënës i Schwarzenegger, tha se banorët e Brentwood bënë kërkesa të përsëritura për riparime pasi stuhitë e dimrit hapën gropa dhe çarje në rrugët lokale.
Kryebashkiaku Karen Bass njoftoi javën e kaluar një plan për të trajtuar atë që ajo e quajti një numër të paprecedentë të rrugëve të dëmtuara në të gjithë qytetin.
Që nga 30 dhjetori, Los Anxhelosi ka marrë 19,692 kërkesa shërbimi për riparime, dhe që nga 6 prilli, ekuipazhet kishin mbushur të paktën 17,549 gropa, thanë zyrtarët.