Dje ka ndodhur një ngjarje e rëndë në fshatin Novosellë të Pejës pasi Bashkim Brahimi mbeti i vrarë nga të shtënat me armë zjarri.
Personi që dyshohet se ka kryer këtë akt është Faton Brahimi, i cili njëkohësisht është edhe djali i axhës së tij, kurse krejt kjo ngjarje pretendohet se ka ndodhur për motive pronësore.
Lidhur me këtë rast, Policia e Kosovës në raportin e saj 24-orësh ka dhënë detaje të reja.
Siç njofton Policia, gjatë kontrollit në shtëpinë e të dyshuarit janë gjetur dhe konfiskuar: një mitraloz, një pistolete, paisje për pastrim te armës, 890 fishek të kalibrave të ndryshëm, dhe pesë predha po ashtu kalibra të ndryshëm
“Raportohet se i dyshuari mashkull kosovar ka qëlluar me arme zjarri viktimën mashkull kosovar. Në vendin e ngjarës kanë dal njësitet përkatëse, ndërsa ekipi mjekësor ka konstatuar vdekjen e viktimës. Gjate kontrollit në shtëpinë e të dyshuarit janë gjetur dhe konfiskuar: një mitraloz, një pistolete, paisje për pastrim te armës, 890 fishek të kalibrave të ndryshëm, dhe pesë predha po ashtu kalibra të ndryshëm. Me vendim te prokurorit trupi i pa jete i viktimës dërgohet në IML për obduksion”, thuhet në njoftim.
