Presidenti amerikan, Joe Biden, i ofroi homologut të tij polak, Andrzej Duda, mbështetjen e plotë të Shteteve të Bashkuara të Amerikës për hetimin e vendit në një shpërthim që vrau dy persona pranë kufirit me Ukrainën.
“Presidenti Biden ofroi mbështetjen dhe ndihmën e plotë të SHBA-së për hetimin e Polonisë”, thuhet në njoftimin e Shtëpisë së Bardhë pasi presidentët folën në telefon, shkruan Reuters, transmeton Klankosova.tv.
Aleatët e NATO-s po hetojnë raportet e pakonfirmuara se shpërthimi u shkaktua nga raketat endacake ruse.