Ministri i Financave, Hekuran Murati, është përplasur me ish ministrin e financave e deputetin e Lidhjes Demokratike të Kosovës, Avdulla Hoti.
Duke debatuar rreth, mos pagesën e mësuesve, e mungesën e investimeve kapitale nga Qeveria KURTI II, ministri përgjegjës për kuletën e shtetit, u arsyetua se qeveritë e kaluara e kanë lënë shtetin në “tetik” duke lënë të nënkuptohet, një situatë sa për të mbijetuar.
“E di që në të kaluarën ka qenë praktikë që shteti të mbahen në “tetik”. Qeveritë e kaluara i kanë qitë në 0 edhe rezervat. Qeveria ka para në buxhet, por shteti nuk mbahet në “tetik”. Nuk mbahet në zero.” Ka thënë Murati
Në anën tjetër deputeti Avdulla Hoti, i ka thënë ministrit Murati se një fjalor i tillë, nuk i shkon me të, pasiqë ai vet ka qenë ministër i financave, duke i treguar specifika të punës së përditshme brenda kësaj ministrie.
Hoti e përmendi edhe shifrën prej 800 milionë eurove, për të cilën thotë se është në dispozicion të qeverisë.
“Fjalori i tillë nuk të shkon me mua, num mundesh me mua. Unë e di kam qenë ministër i Financave. Ti, çdo ditë në mengjes i pranon raportet dhe e di saktësisht gjendjen. I ke 800 miliomë euro, po të zhvlersohen paratë.”