Hajnat vjedhin 5 krerë lopë në një fshat të Pejës, kaq është vlera e dëmit.
Një burrë në fshatin Trestenik të Pejës ka raportuar në Polici se dikush ia ka vjedhur dy gjedhe (lopë).
Ai tha se persona të panjohur i kanë vjedhur gjedhet nga stalla dhe vlera e dëmit është rreth 2500 euro.
“Fsh. Trestenik, Pejë 24.09.2022 – 05:30. Ankuesi mashkull kosovar ka informuar se persona të pa njohur nga stalla i kanë vjedhur dy gjedhe (lopë). Sipas ankuesit, vlera e dëmit është rreth 2500 euro. Rasti është duke u hetuar”.
Po në të njëjtin fshat, një person tjetër ka raportuar se dikush i ka vjedhur 3 gjedhe dhe vlera e dëmit është rreth 3700 euro.
“Fsh. Trestenik, Pejë 24.09.2022 – 07:00. Ankuesi mashkull kosovar ka informuar se persona të panjohur nga stalla i kanë vjedhur tri gjedhe (lopë). Sipas ankuesit, vlera e dëmit është rreth 3700 euro. Rasti është duke u hetuar”, thuhet në raport.