Drejtori i Arsimit në komunën e Podujevës, Avni Fetahu ka përshendetur vendimet e shkollave të komunës së Podujevës që nesër të fillojnë me procesin mësimor.
“Përmes këtij vendimi për t’ju kthyer procesit mësimor, mësimdhënësit tanë kanë dëshmuar vullnetin e tyre të sinqertë në kryerjen e misionit të tyre fisnik në edukimin e gjeneratave të reja”, ka shkruar ndër të tjera ai.
Kujtojmë se sot kryetarët e Komunave të Gjilanit, Podujevës, Shtimës dhe Kamenicës janë mbledhur gjatë ditës së sotme për të diskutuar për mosfillimin e procesit mësimor.