Publicisti Milazim Krasniqi ka ironizuar me konfliktin aktual të kryeministrit Albin Kurti me SBASHK-un për pagat e mësimdhënësve dhe punëtorëve adiministrativ.
Në një postim në Facebook, Krasniqi ka thënë se punëtorët po gabojnë që po ia kërkojnë paratë Kurtit, pasi ai është zgjedhur nga shumica.
Po ashtu, ai ka përkujtuar protestat e VV-së në të kaluarën.
“Gabimisht po ia kërkojnë punëtorët paratë Albin Kurtit. Ato para ai i ka të vetat, i ka pru këtu prej Sukubine. Lene njeriun ta shijojë pushtetin.
Në fund të fundit, vetë e keni zgjedhë. Nuk besoj se e keni harrue gazin lotësjellës në Kuvend, sulmet ndaj policisë e ndaj civilëve, përdorimin e bombave mollotov dhe sulmin me zolla të Kuvendit. Ata që harrojnë, ngulen, ka thanë ai i moçmi”, shkruan Krasniqi në Facebook.