Kryeministri i Kosovës Albin Kurti, ka riemëruar sot dy zëvendës kryeministra në Qeverinë e tij.
Siç bëhet e ditur përmes një komunikate për media zëvendësministrin e Ekonomisë, Mentor Arifajn, e ka liruar nga detyra në këtë ministri dhe e ka dërguar atë në Ministrinë e Industrisë, Ndërmarrësisë dhe Tregtisë.
Kurse, Getoar Mjekun nga Ministria e Industrisë, Ndërmarrësisë dhe Tregtisë e ka dërguar zëvendësministër në Ministrinë e Ekonomisë.
“Kryeministri i Republikës së Kosovës, Albin Kurti, ka ngarkuar me përgjegjësi dhe detyra të reja dy zëvendësministra të Qeverisë, të cilët i ka uruar për pozitën e re dhe iu ka dëshiruar suksese në punën dhe angazhimin e tyre.”
“Ish Zëvendësministri i Industrisë, Ndërmarrësisë dhe Tregtisë, z.Getoar Mjeku është emëruar Zëvendësministër i Ekonomisë. Ndërsa ish Zëvendësministri i Ekonomisë, z.Mentor Arifaj është emëruar Zëvendësministër i Industrisë, Ndërmarrësisë dhe Tregtisë”, njofton ZKM-ja.
Kujtojmë se ditë më parë, Kurti paralajmëroi ndryshime në kabinet. Ai u shpreh se ministrat dhe zëvendësministrat do të vlerësohen. Paralajmëroi se “askush s’është i paprekshëm”.