Në seancën e sotme të Kuvendit të Republikës së Kosovës po diskutohet për projektligjin për deklarimin e pasurisë, raporton Gazeta Sinjali.
Ligji për deklarimin, prejardhjen e pasurisë dhe dhuratave, ka përplasur edhe sot ministren e Drejtësisë, Albulena Haxhiu dhe shefin e deputetëve të Partisë Demokratike të Kosovës, Abelard Tahiri, i cili e ka cilësuar si arrogante qasjen e ministres.
‘’Ky debat është i kotë sepse shumica është kundër. Të ecim tutje. Nuk është mirë me pasë kësi qasje arrogante aq të madhe, nuk ju bën mirë as me qytetarë. Jemi shumë korrekt pavarësisht e kemi një ministre që krejt çka dinë me bo, është me dal me fy në foltore’’, deklaroi Tahiri në Kuvend.
Pas kësaj, fjalën e mori edhe ministrja Haxhiu, e cila tha se nuk e merr seriozisht Abelard Tahirin.