Pirja e tre filxhanëve kafe në ditë mund t’i shtojë vite jetës suaj, sipas një studimi.
Personat që shijojnë një filxhan të rregullt me kafe kanë deri në 15 për qind më pak gjasa të kenë sëmundje të zemrës ose të vdesin të rinj.
Kjo do të thotë që edhe kafeja pa kafeinë është e mirë për zemrën tuaj – dhe njerëzit me vese të tjera si ushqimi i pa shëndetshëm dhe pirja e duhanit ende marrin përfitime.
Dr Peter Kistler, nga Instituti i Zemrës Baker në Melburn, tha: “Për shkak se kafeja mund të shpejtojë rrahjet e zemrës, njerëzit shqetësohen se mund të shkaktojë ose përkeqësojë problemet e zemrës. Por të dhënat tona sugjerojnë që konsumi i përditshëm i kafesë nuk duhet të dekurajohet, por të përfshihet si pjesë e një diete të shëndetshme. Ne zbuluam se pirja e kafesë ose nuk bënte dëm ose shoqërohej me përfitime për shëndetin e zemrës”.
Tri studime përdorën të dhëna nga 382 mijë njerëz në Mbretërinë e Bashkuar për të gjurmuar shëndetin dhe zakonet e kafesë deri në 10 vjet.
Studimet, që do të zbulohen në konferencën e Kolegjit Amerikan të Kardiologjisë, synuan të shihnin nëse ishte e sigurt për njerëzit me sëmundje të zemrës të pinin kafe.
Dr Kistler shtoi: “Konsumuesit e kafesë duhet të ndihen të qetësuar se mund të vazhdojnë të shijojnë kafenë – edhe nëse kanë sëmundje të zemrës.Është përforcuesi më i zakonshëm i trurit. Të zgjon, të bën më të mprehtë mendërisht dhe është një komponent shumë i rëndësishëm i jetës së përditshme të shumë njerëzve”. /Telegrafi/