Menjëherë Policia ka intervenuar duke gjobitur pjesëmarrësit dhe këngëtarin në fjalë, shkruan Indeksonline.

Indeksonline ka kontaktuar me këngëtarin Afrim Muqiqi i cili mohoi të gjitha duke thënë se nuk është e vërtetë që ai ka mbajtur dasëm.

“Jo nuk është e vërtetë, nuk kam mbajtur dasëm, ato video që kanë qarkulluar janë të disa viteve më parë”.

Por pamjet e siguruara dëshmojnë që ai gjendej pikërisht në Diamond Events.

Për shkelje të rregullave gjatë pandemisë, shqiptohen gjoba me shifra të larta, ku Afrimi u shpreh se nuk ishte pjesëmarrës në asnjë event.

“Jo nuk kam qenë unë aty, dhe veç në ëndrra mujn mem dënu” , tha ai për Indeksonline.

Indeksonline ka kontaktuar edhe me zyrtarin për Informim nga AUV, i cili tha se lokali është gjobitur me 2000 euro.

“Ka qenë duke u mbajtë një dasëm aty, ku lokali është gjobit me 2000 euro, pasi sipas ligjit covid është e përcaktuar se çdo organizim, duhet të dënohet”.

Indeksonline ka kontaktuar edhe me Policinë, por nuk ka marrë ndonjë përgjigje.